Abstract

MORAN, M.Teresa Fuentes. Die konsep van leksikografiese verdigting: 'n Oorsig van en perspektiewe op die digitale leksikografie. Lexikos [online]. 2023, vol.33, pp.404-424. ISSN 2224-0039.  http://dx.doi.org/10.5788/33-1-1824.

In hierdie artikel word gefokus op die konsep van leksikografiese tekstuele verdigting om sodoende die rol daarvan in die digitale leksikografie te bepaal. Huidige interpretasies van hierdie konsep wat oorspronklik vir gedrukte woordeboeke geskep is, word geanaliseer. Besondere klem word geplaas op die relevante onderskeiding tussen die verskillende tekstuele vlakke waarin die inhoud van hierdie werke versprei is en op die verskil tussen primêre en sekondêre verdigting. Voorbeelde uit Engels-Spaanse digitale woordeboeke word ondersoek om te bepaal hoe verdigting in hierdie werke aangebied word en watter soorte komponente of items spesifiek hierdeur beïnvloed word. Laastens word die betekenis van verdig-tingsvorme in huidige woordeboeke wat gebaseer is op die leesbenaderings wat op naslaanwerke toegepas word, bespreek. Ons steun die argument dat hierdie vorme inherent is aan die tipe teks wat 'n woordeboek genoem word, en dat die oorsake van verdigtingsmeganismes nie beperk is tot blote ruimtelike beperkings nie, maar dat hierdie meganismes, saam met ander formele aspekte, dit makliker kan maak om die verlangde antwoorde deur middel van 'n nieliniêre leesproses wat oor die algemeen en aanvaarbaar op woordeboeke toegepas word, te vind.

Keywords : digitale leksikografie; gedrukte leksikografie; leksiko-grafiese tekstuele verdigting; teorie van woordeboekvorm; primêre leksi-kografiese verdigting; sekondêre leksikografiese verdigting; tweetalige engels-spaanse leksikografie; mikrostruktuur; verwysing; natuurlike tale.

        · abstract in English     · text in English     · English ( pdf )