GEDIGTE

 

 

Khayalethu Magadla

Khayalethu Magadla val speiende in 'n mangat

en land in die onderwêreld van die groot goue stad,

terwyl amptenare in koel kantore sit en slaap

moet die doodsengel hom uit slik en slym na bo opraap.

Aardverwarming

Die weer verander met spoed op ons planeet.

In Durban spoel huise weg in 'n diep spleet

want ons as sprinkaanplaag laat net besoedeling na.

Planne teen verwarming bly vir ons diskreet.

Skryftaal

buite agter 'n miershoop lê

die maer lyk van Eugène Marais.

D.J. Opperman

Hy is deur 'n winternag so gedryf

om in die taal wat hulle praat te skryf

in die Engels-Nederlandse tydperk

dat ons Afrikaans voluit kan bedryf.

Deel van die geheel

Vroegoggend verkyk ek my aan die helder môrester.

Al is ek nou maar 'n kort tydjie hier is ek deel van

die heelal, oneindig, ondenkbaar en onmeetlik ver.

In my lewensaand sal ek sittend kyk na die aandster.

Hennie Pieterse

E-pos: pietehjc@absamail.co.za