Resumen

LI, Qian  y  TARP, Sven. Die gedifferensieerde hantering van kulturele items in leksi-kografiese produkte: 'n Noodsaaklike aanpassing by die digitale omgewing. Lexikos [online]. 2022, vol.32, pp.90-117. ISSN 2224-0039.  http://dx.doi.org/10.5788/32-1-1706.

In hierdie artikel word daar op die leksikografiese hantering van kultuurobjekte gefokus. Daar word aangevoer dat die aanleer van 'n tweede taal die aanleer van 'n tweede kultuur vereis en dat digitale tegnologie nuwe oplossings vir beide ou en en nuwe uitdagings vra. As voorbeeld word tradisionele musiekinstrumente gebruik en daar word eerstens 'n kritiese analise van hul hantering in vyf Chinees-Engelse woordeboeke vir beide vreemdetaalleerders en moedertaalsprekers gedoen. Daarna word verslag gedoen oor mediakonvergensie en die gevolge daarvan vir die leksi-kografie, en die gevolgtrekking word gemaak dat die universeel-geskikte woordeboek met 'n ver-skeidenheid leksikografiese produkte op verskillende platforms vervang moet word. Daarom moet die fokus van die leksikograaf verskuif van die woordeboek na die databasis wat hierdie produkte ondersteun. Dit lei tot 'n bespreking van ekwivalente en verklarende tipes en die behoefte daaraan om vier verskillende databasisvelde vir ekwivalente en twee vir verklarings te skep. Ter illlustrasie word 'n leksikografiese databasis met ekwivalente, verklarings, en ander tipe kultuurrelevante items aangebied. Daarna word 'n paar voorbeelde gebruik om aan te toon hoe hierdie leksikogra-fiese items wat in die databasis gestoor word, selektief op verskillende platforms gebruik kan word en vir spesifieke gebruikersbehoeftes aangepas kan word. Hierdie artikel is direk gekoppel aan klanklêers en videogrepe van die bespreekte instrumente. Laastens verskaf die artikel 'n paar gevolgtrekkings en perspektiewe om die kulturele dimensie van aanleerdersleksikografie te ver-beter.

Palabras clave : media convergence; chinese-english dictionaries; learners' dictionaries; e-readers; digital devices; lexicographical databases; equivalent types; explanation types; cultural items.

        · resumen en Inglés     · texto en Inglés     · Inglés ( pdf )