Resumen

WIELENGA, Bob. Eschatological hope in Haggai: A homiletic reading. In Skriflig (Online) [online]. 2015, vol.49, n.1, pp.1-13. ISSN 2305-0853.  https://doi.org/10.4102/ids.v49i1.1820.

In hierdie artikel word 'n historiese ondersoek na Haggai se eskatologiese uitsprake (Hag 2:6-9, 20-23) met 'n homiletiese benadering tot albei uitsprake gekombineer met behulp van 'n kanon-historiese metodologie. Eerstens word Haggai se stilswye oor die verlede van die teruggekeerde ballinge van voor 522 v.C. ondersoek en met die beoordeling van dieselfde tydperk deur Esra-Nehemia vergelyk. Sy nadruk op die huidige tyd as beslissingstyd met die oog op die eskatologiese toekoms word bestudeer. Aandag word ook aan die rol geskenk wat die tempel in sy profesieë gespeel het en watter bydrae hy tot die profetiese eskatologie gemaak het. Tweedens vereis die homiletiese benadering van die eskatologiese uitsprake in Haggai om vanuit 'n kanonieke oogpunt op die verhouding met die Nuwe-Testamentiese eskatologie te reflekteer, met die doel om die geloofsgemeenskap se eskatologiese verwagtings in die huidige tyd te versterk.

        · resumen en Inglés     · texto en Inglés     · Inglés ( pdf )