Resumen

BOTHMA, Theo J.D.  y  GOUWS, Rufus H.. e-Woordeboeke in 'n netwerk van inligtingswerktuie in die e-omgewing. Lexikos [online]. 2020, vol.30, pp.1-28. ISSN 2224-0039.  http://dx.doi.org/10.5788/30-1-1588.

Tradisionele woordeboeke bied gekeurde data aan gebruikers. Daarom behoort gebruikers die korrekte data te kan vind om 'n inligtingsbehoefte te bevredig. Gebruikers weet egter nie altyd wat die presiese bestek van die leksikografiese inligting is nie. Woordeboekartikels stel steeds eise aan die gebruiker om die gepaste betekenis of ekwivalent te kies. In die e-omgewing kan gebruikers maklik tussen verskillende e-bronne rondbeweeg. Dit geld veral op verskillende e-boekplatforms waar baie woordeboeke en ander bronne aan 'n teks of internetsoektog gekoppel kan word. Internetinhoud is vanselfsprekend nie gekeur nie en om toe-gang tot sulke data te gee, is bykans 'n gruwel vir tradisionele leksikograwe. 'n Tradisionele woor-deboek is die produk van 'n toepassing van datatrekprosedures. Die aanlyn omgewing maak die gebruik van datastootprosedures moontlik wat aan gebruikers toegang tot sowel gekeurde as ongekeurde data gee. Hierdie kwessies word geïllustreer aan die hand van 'n aantal voorbeelde wat wys hoe talle verskillende en uiteenlopende inligtingsbronne maklik beskikbaar is vir gebruikers om enige spesi-fieke inligtingsbehoefte te bevredig en dat 'n woordeboek een van baie inligtingsbronne is. Die inligting is op aanvraag beskikbaar sonder die gevaar van inligtingsoorlading. Daar word aangevoer dat wanneer 'n netwerk van inligtingswerktuie optimaal saamgestel word wat 'n omvattende soekuniversum bied, moet die inligtingsonttrekkingstruktuur verkieslik 'n sirkel-netwerk eerder as 'n lineêre kontinuum as toepassingsgebied hê.

Palabras clave : data stoot; data trek; dataverspreidingstrukture; GEBRUIKERSINLIGTINGSBEHOEFTES; INLIGTINGSBRONNE; INLIGTINGSWERKTUIE; KONTEKSTUALISERING; NETWERK VAN INLIGTINGSWERKTUIE; SLIM e-WOORDEBOEKE; SOEKPLEKKE.

        · resumen en Inglés     · texto en Inglés     · Inglés ( pdf )