Resumen

BALOYI, N.M.; POPOOLA, A.P.I.  y  PITYANA, S.L.. Laser coating of zirconium and ZrO₂ composites on Ti₆Al₄V for biomedical applications. S. Afr. J. Ind. Eng. [online]. 2014, vol.25, n.1, pp.62-70. ISSN 2224-7890.

Oppervlakbedekking is 'n tegnologie wat die oppervlak-eienskappe van komponente verbeter. Laseroppervlakbedekking verskaf 'n uniforme samestelling van dik lae met goeie metallurgiese hegting aan die basis materiaal. Hierdie bedekkings is dig en kraakvry en het nie-poreuse mikrostrukture. Die voordele van die proses is dat die komponent se oppervlak 'n hoë weerstand teen slytasie en korrosie het, selfs by hoë temperature. Ti₆Al₄V basis materiaal word in dié studie bedek met Zr en ZrO₂ samestellings om die komponent se weerstand teen korrosie en slytasie te verbeter. Zr-poeier wat gemeng is met 'n verbinder (PVA en koue lym) is gesmelt om 'n dun lagie te vorm. Die lagie is gebind aan die Ti₆Al₄V component deur bestraling met 'n vesellaser. Die teenwoordigheid van die verbinder in die Zr-poeier het gelei tot 'n verandering in die mikrostruktuur, die resultate toon 'n geleidelike toename in die hardheid van die bedekte Ti₆Al₄V van bo na onder. Daar is ook gevind dat die bedekking met die Zr saam met die PVA verbinder uniform gedeponeer is en 'n minder dendritiese struktuur gehad het as die Zr sonder binder of die Zr met die koue lym.

        · resumen en Inglés     · texto en Inglés     · Inglés ( pdf )