Resumen

LOUW, W.; WIUM, J.; STEYN, H.  y  GEVERS, W.. S. Afr. J. Ind. Eng. [online]. 2018, vol.29, n.3, pp.173-187. ISSN 2224-7890.  http://dx.doi.org/10.7166/29-3-2058.

Die belangrikheid van die rol van die bestuursborg, insluitend die bydrae wat hy/sy maak tot die sukses of faling van ' n projek word wyd erken in die projekbestuur literatuur. Verwysings na die leierskapsrol van die bestuursborg asook die wesenlike komponent wat dit uitmaak van die profiel van die bestuursborg word bykans net soveel aangetref in die literatuur. ' n Megaprojek word gedefinieer as 'n grootskaalse, komplekse onderneming wat tipies 1 miljard Amerikaanse dollar of meer kos, etlike jare neem om te ontwikkel en te bou, veelvuldige publieke en privaat belanghebbendes betrek, transformasioneel van aard is, en miljoene mense beïnvloed. Uitvoerende bestuursborge word hoofsaaklik aangewys vir projekte van strategiese aard wat kompleks is, ' n beduidende hoeveelheid risiko dra, en uitsonderlik sigbaar is. Dit is dus duidelik dat ' n megaprojek geregtig is op ' n bestuursborg vanuit die uitvoerende en mees senior bestuursvlakke van ' n organisasie. Eerder as om aan te sluit by die debatte oor kompleksiteit en leierskap in die projekbestuur literatuur, dui hierdie artikel aan tot welke mate leierskapsteorieë benut kan word om instrumente te identifiseer wat kan meehelp in die evaluering van leierskapstyle asook die leierskap eienskappe/ attribute van ' n bestuursborg. Ter afsluiting word ' n raamwerk voorgestel om assesseringsinstrumente te identifiseer vir die evaluering van leierskapstyle en leier eienskappe/ attribute.

        · resumen en Inglés     · texto en Inglés     · Inglés ( pdf )