Resumen

HANSMANN, Robynne. Meralo ya motheo e ikgethileng ya boemafofane ho tshehetsa dikgokahano: taba ya Dube Tradeport, eThekwini municipality, South Africa. Town reg. plan. (Online) [online]. 2019, vol.74, pp.36-50. ISSN 2415-0495.  http://dx.doi.org/10.18820/2415-0495/trp74i1.4.

Molawana wa moralo wa Afrika Borwa o inehetse ka botlalo ho tsela ya ntshetsopele e etelletsweng pele ke meralo ya motheo bakeng sa ho tshehetsa kgolo e nang le kenyelletso le e phatlalletseng. Ketsahatso ya sekala se seholo sa meralo ya motheo ya transporoto e sebedisitsweng boemakepeng, tseleng, diporong le boemafofaneng, e beilwe ho tshehetsa kgolo ya "multi-scaled" ka kgwebisano ka hare ho sub-Saharan Africa. Kopano ya molawana le diphumano tsa dipatlisiso tse itshetlehileng hodima ketsahatso, di etsa taba e tsitsitseng bakeng sa ho eketsa kgwebisano ya matjhabatjhaba mona le ka hare ho sub-Saharan Africa, le ka dikgokahano tse ntlafaditsweng tsa matjhabatjhaba, le kopano ya lebatowa le tlhophiso tse hlokahalang ho etsa hore tshebetso e atlehe (logistics), jwalo ka leano bakeng sa ho tjhetjhisa kgonahalo ya kgolo ya lebatowa. Ntshetsopele ya Dube TradePort (DTP), ho kenyelletswa King Shaka International Airport (KSIA), di ne di itshetlehile hodima motheo wa hore maemafofane a tshehetsa kgwebo le tsamao ya thepa dipakeng tsa moruo wa lefatshe lohle le wa lebatowa, ka ditlhophiso tse ntlafaditsweng tse hlokahalang ho etsa hore tshebetso e atlehe (improved logistics) boemong ba selehae. Atikele ena e botsollotsa monahano wa hore letsete/peheletso ya tjhelete ya nako e telele meralong ya motheo ya boemafofane le ditshebediso tse amanang le indasteri, ke ditlhoko tse lekaneng bakeng sa ho tshehetsa kgwebo le dimmaraka ka hare ho sub-Saharan Africa. Mokgwa wa thuto ya mehlala, ho kenyelletswa le diinthaviu, ditemoho, le tekolobotjha ya ditaba tse ngotsweng, di sebedisitswe ho utlwisisa hantle ntshetsopele ya air-cargo ho DTP eThekwini Municipality. Dithuto tse fetileng ho DTP di entse diphuputso tsa hore na sebaka se bopilwe jwang sebakeng sa boemafofane ka ditlhophiso tsa tsamaiso ya puso le monga sona. Thuto ena e tsepamisitse maikutlo hodima boemafofane bo ahilweng ka lebaka la dipehelo tse nang le meralo e kgethehileng ya motheo le mabaka a amehang; di kopana le ho falliswa ha thepa jwalo ka ha di fapane le ho falliswa ha batho. Diphumano di hlahisa hore, le ha DTP e bapala karolo bakeng sa ho hohela letsete/peheletso ya tjhelete e tswang kantle le ya selehae, mmoho le kgwebo e amehang; ho fetoha ha sebopeho kgwebong ho na le tshwaetso kgokahanong ya Afrika bakeng sa ho tsamaisa thepa mahareng a lefatshe ka bophara le lebatoweng.

Palabras clave : Air cargo; airport infrastructure; Greenfields; logistics.

        · resumen en Inglés | Africano     · texto en Inglés     · Inglés ( pdf )