Resumen

OLA, Akeem. Klimaatsverandering-effekte en lewensbestaan-aanpassingstrategieë deur die stedelike armes in Ibadan, Nigerië. Town reg. plan. (Online) [online]. 2022, vol.81, pp.24-38. ISSN 2415-0495.  http://dx.doi.org/10.18820/2415-0495/trp81i1.3.

Soos baie ontwikkelende lande, is klimaatsverandering een van Nigerië se grootste uitdagings vir sosio-ekonomiese ontwikkeling. Hierdie artikel ondersoek die uitwerking van klimaatsverandering op die lewensbestaanaktiwiteite van die stedelike armes in Ibadan, Nigerië. Die navorsing het hoofsaaklik op primêre data staatgemaak. 'n Gestruktureerde vraelys is gebruik om primêre data te verkry van 481 doelbewus geselekteerde stedelike inwoners wat betrokke is by verskillende lewensbestaanaktiwiteite. Data wat ingesamel is, is ontleed deur gebruik te maak van beskrywende en inferensiële statistiese tegnieke. Die Respondente Ooreenkomsindeks is gebruik om die respondente se bewustheid van klimaatsverandering en klimaatverandering-aanpassingstrategieë te meet. Tobit-regressiemodel is gebruik om die faktore wat klimaatsverandering-aanpassingstrategieë beïnvloed te ontleed, terwyl die uitwerking van klimaatsverandering op inwoners se bestaan gemeet is met behulp van multinomiale logistiese regressie. Bevindinge het aan die lig gebring dat respondente betrokke was by diverse bestaansaktiwiteite wat wissel van handel tot staatsdiens. Lang droë seisoene, oormatige hitte, onreëlmatige reënvalpatrone, en gereelde vloede maak respondente bewus van klimaatsverandering. Lae frekwensie van kopers, lae produktiwiteit, en vermindering in inkomste was die belangrikste uitwerking van klimaatsverandering op lewensbestaanaktiwiteite. Die diversifisering van inkomstebronne was die belangrikste aanpassingstrategie. Die versterking van die fisiese beplanningstelsel om die stad se veerkragtigheid en aanpasbaarheid by klimaatverwante rampe te bou, is aanbeveel.

Palabras clave : Adaptation strategies; climate change; diversification; livelihood; rainfall pattern; sustainable development goals.

        · resumen en Inglés | Otros     · texto en Inglés     · Inglés ( pdf )