Resumo

CARRUTHERS, Jane. Omgewingsgeskiedenis: Ingewikkelde ineenskakeling om voortdurende verandering. Historia [online]. 2009, vol.54, n.2, pp.98-112. ISSN 2309-8392.

Hierdie artikel is 'n aangepaste weergawe van 'n lesing wat gehou is as deel van die Ruth Edgecombe Omgewingsuitdagingslesingsreeks, aangebied deur die Universiteit van KwaZulu-Natal, Pietermaritzburg, op 1 Oktober 2008. Dit skets die bydrae van professor Edgecombe tot die bestudering van omgewingsgeskiedenis in Suid-Afrika. Deur die titel van haar boek, The Constancy of Change A History of Hlobane Colliery, 1898-1998 (1998) as oorkoepelende metafoor te gebruik, vier die artikel die ineenskakelings wat Edgecombe met soveel vaardigheid kon maak om die aard van en uitdagings wat omgewingsgeskiedenis bied, te ondersoek. Die skrywer beklemtoon hoe die verband tussen natuur en kultuur - die verbintenisse tussen streke, tydskale, dissiplines en biota - die kern van die sub-dissipline vorm, en werp die lig op voorheen afgeskeepte aspekte van menslike en natuurgeskiedenis. Soos verduidelik word, was omgewingsgeskiedkundiges in staat om by veranderinge in terme van die dringendheid van omgewingskwessies soos klimaatsverandering, geneties veranderde voedselsoorte, diere etiek en ander uitdagings van die een-en-twintigste eeu betrokke te raak.

Palavras-chave : Historiografie; interdissiplinêr; omgewingsgeskiedenis; Ruth Edgecombe.

        · resumo em Inglês     · texto em Inglês     · Inglês ( pdf )