Serviços Personalizados
Artigo
Indicadores
Links relacionados
- Citado por Google
- Similares em Google
Compartilhar
Koers
versão On-line ISSN 2304-8557
versão impressa ISSN 0023-270X
Resumo
DE WET, Corene. Opvoeders se perspektiewe oor risiko-faktore vir leerder-op-leerder afknouery. Koers (Online) [online]. 2013, vol.78, n.3, pp.1-9. ISSN 2304-8557.
Opvoeders vervul 'n sleutelrol in die suksesvolle ontwikkeling en implementering van die meeste anti-afknoueryprogramme en/of intervensiestrategieë. Die artikel het ten doel om verslag te lewer oor bevindinge van 'n kwalitatiewe studie oor opvoeders se sieninge oor risikofaktore vir leerder-op-leerder afknouery. Opvoeders wat besig was met verdere studie aan die Universiteit van die Vrystaat, Suid-Afrika, is genooi om aan die studie oor verskillende tipes afknouery deel te neem. Hierdie artikel fokus op die narratiewe van 91 deelnemers wat insidente van leerder-op-leerder afknouery beskryf het. Die studie gebruik 'n viervlak, sosiaal-ekologiese model as teoretiese raamwerk. Individuele, familie, institusionele en gemeenskapsrisikofaktore is met behulp van kwalitatiewe inhoudanalise geïdentifiseer. In die artikel word gesuggereer dat ofskoon voorkomingstrategieë wat op risiko's fokus, tot die vermindering van afknouery kan lei, voorkomingstrategieë nie net hierdie (negatiewe) faktore moet teiken nie, maar ook moet poog om beskermende faktore op al vier sosiaal-ekologiese vlakke te bevorder.