Resumo

DERRICK MASHAU, T.. Reformatoriese missionale nadenke oor effektiewe bediening in the konteks van Afrika Pentekostalisme. In Skriflig (Online) [online]. 2013, vol.47, n.1, pp.10-17. ISSN 2305-0853.

Pentekostalisme is 'n globale fenomeen met 'n groot aanhang in Noord-Amerika, Latyns Amerika, Asië, Afrika en ander wêrelddele. Die opkoms, groei en invloed van Pentekostalisme in Afrika was geweldig en het een van die dominante gedaantes van Christenskap op die kontinent geword. 'n Kontekstuele analise van Christenskap in Afrika wys dat Afrika meer vatbaar was vir hierdie tendens. Die manifestasie daarvan ryk van klassieke Pentekostalisme (eerste golf), tot die charismatiese beweging (tweede golf) en die charismatiese herlewingsbewegings (derde golf). Die groei hiervan het 'n goeie aantal missiologiese uitdagings meegebring vir evangeliese gereformeerde kerke. Gevolglik het hierdie artikel gepoog om die tendens uit te wys deur 'n historiese perspektief op Pentekostalisme te bied, gevolg deur 'n kontekstuele analise van Pentekostalisme in Afrika, 'n bespreking van vraagstukke en uitdagings binne Pentekostalisme, en ter afsluiting 'n gereformeerde missiologiese oorweging hiervan, met klem op hoe bediening die beste kan plaasvind binne die konteks van Pentekostalisme. Die artikel het evangeliese gereformeerdes opgeroep om 'n gees van onderskeiding te openbaar wanneer hulle te doen kry met Pentekostalisme terwyl hulle terselfdertyd uit hierdie groep se ywer met sending en die rol van die Heilige Gees daarin geleer het.

        · resumo em Inglês     · texto em Inglês     · Inglês ( pdf )