Resumo

YOUNG, Graham  e  VOSLOO, Piet. Isivivane, Freedom Park: A critical analysis of the relationship between commemoration, meaning and landscape design in post-apartheid South Africa. Acta structilia (Online) [online]. 2020, vol.27, n.1, pp.85-118. ISSN 2415-0487.  http://dx.doi.org/10.18820/24150487/as27i1.4.

Met die aanvang van demokrasie in 1994, het die volk gestreef na 'n nuwe identiteit en vir baie moes dit 'n identiteit wees gebaseer op hul Afrika-kultuur en -tradisies. Politici het ook maniere gesoek om die te herdenk wat hul lewens tydens konflikte in die aanloop tot die eerste demokratiese verkiesings, waarna die ANC aan bewind gekom het, verloor het. In die strewe om dit te bereik, het die Departement van Kuns en Kultuur verskeie nalatenskap- en erfenisprojekte geïnisieer, insluitend die Isivivane, 'n gedenkteken by Freedom Park in die Stad Tshwane. Die doel van hierdie artikel is om die effektiwiteit van landskapontwerp te bepaal om die bedoeling en betekenis van sulke herdenkingsplekke in 'n multikulturele, post-apartheid Suid-Afrikaanse samelewing oor te dra. In die artikel word die Isivivane aangebied as 'n gevallestudie en 'n empiriese data-opname is gebruik om die besoekers se ervarings en persepsies van Isivivane te bepaal. Gebaseer op die bevindings van die studie bestaande uit 'n kwantitatiewe vraelys, ondersteun deur teorieë gewortel in fenomenologiese vertolking en landskapnarratiewe, bevestig die artikel dat mense se ervaring en persepsie van die Isivivane beïnvloed word deur die ontwerp en kenmerke van die landskap en dat laasgenoemde betekenisvol is by die ontlokking van 'n reaksie wat besoekers met die plek laat identifiseer en individuele en kollektiewe betekenis daaraan laat toeken. Die argument word ondersteun deur huidige teorieë oor herdenking en betekenis wat afgelei kan word deur landskapontwerp. Die implikasies van die studie is nuttig en kan moontlik deure oopmaak vir verdere studies wat dieper delf in 'n begrip van die bydrae wat landskapontwerp lewer in die konseptualisering van herdenkingsplekke in 'n pluralistiese en politiesgelaaide Suid-Afrika.

Palavras-chave : Isivivane; Landskapontwerp; gedenktekens; herdenking; postapartheid Suid-Afrika; Isivivane.

        · resumo em Inglês     · texto em Inglês     · Inglês ( pdf )