Resumo

VIVIERS, Jako. Klein idees vir groot impak: multifunksionaliteit in die plattelandse dorpie Verkykerskop. Town reg. plan. (Online) [online]. 2018, vol.73, pp.15-34. ISSN 2415-0495.  http://dx.doi.org/10.18820/2415-0495/trp73.2.

Nijkamp benadruk die utopiese aanspraak dat die toekoms oop en buigsaam is, waar ontwikkeling verrassende treë tot "iets beter" kan impliseer. Castell bevraagteken vermanend of beplanningsbenaderings kan verander in 'n wêreld wat reeds verander het. In Davidoff se siening dat die lewe in die stad gestalte kan vind in ' pragtige, opwindende en kreatiewe milieu, vind beplanners "verrassende treë" in die konsepte van kompakte stede, nuwe urbanisme, slim-groei, groen urbanisme, en dies meer. In reaksie op Castell se "multidimensionele verandering in die ruimtelike dimensie", word die verbeelding van beplanners aangegryp en ge-oriënteer na 'n multifunksionele beskouing van beplanning. Hierdie artikel voer aan dat die kombinering van die beplanningsbenaderings van nuwe urbanisme, "nuwe landelikheid" en groen urbanisme 'n moontlike antwoord vir multifunksionaliteit kan wees, veral aangesien mega-tendense benadruk dat daar wegbeweeg behoort te word van die soeke na ' voorspelbare en enkelvoudige uitkoms. Die artikel besin of die wedersydse toepassing van die drie beplanningsbenaderings moontlik multifunksionele landelike landskappe tot gevolg kan hê. Die uniekheid van die inherent landelike Suid-Afrikaanse landskap noodsaak ook 'n landelike fokus in hierdie artikel. Daar word bevraagteken of die wedersydse toepassing van die drie beplanningsbenaderings in die onlangs beplande landelike dorpie van Verkykerskop, wat in 2012 'n toekenning van die Charter for New Urbanism ontvang het, ' multifunksionele landelike grondgebruik in die hand werk.

Palavras-chave : Groen urbanisme; landelike omgewings; multifunksionaliteit; nuwe urbanisme; nuwe landelikheid; stedelike ontwerp.

        · resumo em Inglês | Outros     · texto em Inglês     · Inglês ( pdf )