Resumo

WINKLER, Tanja. 'n ondersoek na sommige beplanningskompleksiteite van 'gemeenskaplike grond' in die voormalige transkei. Town reg. plan. (Online) [online]. 2019, vol.75, pp.6-16. ISSN 2415-0495.  http://dx.doi.org/10.18820/2415-0495/trp75i1.3.

In die Suid-Afrikaanse nasionale politiek oorheers 'die grondvraag' steeds party-politieke gevegte. Die meeste van hierdie gevegte skram egter weg van die 'gemeenskaplike' grondbesittings wat onder toesig van tradisionele leiers is. Verdere kommer is dat wetgewing nie net dubbelsinnig is oor die funksies en bevoegdhede van tradisionele leiers se grondadministrasie nie, maar dit word ook binne Westerse raamwerke gekonseptualiseer. Dubbelsinnigheid en Westerse sentraliteit belemmer op hul beurt die beplanningspogings en munisipale dienslewering in Suid-Afrika se landelike streke, terwyl inwoners voortgaan om sonder verblyfreg en beter sosio-ekonomiese vooruitsigte te leef. Deur op 'kommunale grond' te konsentreer, word hierdie inheemse grondwette in Afrika heroorweeg om 'n dieper begrip te kry van hedendaagse verblyfreg op 'gemeenskaplike' grondbesittings. Die artikel identifiseer sommige van die beplanningskompleksiteite wat in die voormalige Transkei gevind is. Moontlike aanbevelings sluit in dat 'n gebiedgebaseerde benadering tot beplanning gevolg word waar gemeenskaps-eiendomsverenigings (of soortgelyke strukture) ondersoek word met inwoners van sommige 'gemeenskaplike' grondbesittings, terwyl tradisionele leierskapstrukture in ander kontekste ondersoek word. Alle rolspelers moet dus gelyke besluitnemingsbevoegdhede oor plaaslike grondadministrasie en ontwikkeling hê.

Palavras-chave : Gemeenskaplike grond'; landelike beplanning; onveiligheid in verblyfreg; tradisionele leiers.

        · resumo em Inglês | Outros     · texto em Inglês     · Inglês ( pdf )