GEDIGTE

 

 

Die Wysheid

Ek is 'n wye spesialis

'n kenner van elk' tipe nis

met wysheid op die hoogste vlak

van elke fakulteit en vak

My soekenjin staan altyd reg

(niks meer nie as 'n duimdruk weg)

om my te leer van dit en dat

van oorlog, entstof, en nog wat

Ook wysheid het ek gou bekom:

My slimfoon ken die volle som!

Ek weet nou meer oor elke saak

as proffies wat 'n lewe maak

van dink en vra en publiseer

Dalk moet hul maar by my kom leer?

Paul Maritz

E-pos: pjmaritz@gmail.com