Abstract

MUBANGIZI, John. Tokelo ea bolulo le toropo tsa pan-Afrika: Liqholotso tsa kenyelletso le tekano - Tlhahlobo ea linaha tse 'ne tsa Afrika. Town reg. plan. (Online) [online]. 2024, vol.84, pp.72-82. ISSN 2415-0495.  https://doi.org/10.38140/trp.v84i.7971.

Tokelo ea bolulo ke tokelo ea mantlha ea botho, empa e ntse e sa fihlellehe ho palo e kholo ea batho ba lulang litoropong tsa Afrika. Sengoliloeng sena se hlahloba liqholotso tsa kenyeletso le tekatekano ea baahi phanong ea matlo ka har'a moralo oa Toropo ea Pan-Afrika. Sengoliloeng sena se shebane ka kotloloho le linaha tse 'ne tse fapaneng tsa Afrika - eleng Afrika Boroa, Uganda, Tanzania le Nigeria - bakeng sa temohisiso mabapi le mefuta e mengata ea litokelo tsa bolulo. Sengoliloeng se qala ka tlhahlobo ea mehopolo e ka sehlohong tlhahlobong ea liqholotso tsa kenyeletso le tekano naheng ka 'ngoe linaheng tse khethiloeng ka har'a maemo a tokelo ea bolulo le Toropo ea Pan-Afrika. Se boetse se hlahloba boiteko ba linaha tse khethiloeng ho rarolla mathata a ka har'a moralo oa Toropo ea Pan-Afrika, a ipapisitse le maano a machaba a litokelo tsa botho le meralo ea linaha tse fapaneng ea molao-theo, ketsa-molao le maano. Ho phethetsoe ka hore tokelo ea ho ba le matlo toropong ea Pan-African e ntse e le sepheo se seholo, se nang le liqholotso tse ngata ho fihlelleng kakaretso le tekano. Ho khothaletsoa hore linaha tsa Afrika li ele hloko tokelo ea bolulo ka har'a Toropo ea Pan-Afrika, 'me li totobatse tlhokeho ea tsebelisano-'moho ho netefatsa phihlello ea matlo a sireletsehileng, a lekaneng, 'me a theko e tlaase. Tse. Ling tsa lintho tse ka etsoang hofihlela sena ke ho arolelana tlhahisoleseding le tsebo, ntshetsopele e kopanetsweng ea meralo ea motheo, ts'ebelisano-mmoho ka nqa ho maliboho, phetisetso ea thekenoloji le mekhoa ea. Matlole a lichelete.

Keywords : Right to housing; pan-African city; African countries; equity; inclusivity; urbanisation.

        · abstract in English | Afrikaans     · text in English     · English ( pdf )